ഇന്നലെ വൈകുന്നേരത്തോടെ ഇന്ത്യവിഷന്‍ എന്ന ചാനല്‍ അടച്ചുപൂട്ടി..
മലയാളത്തിലെ ഒരു വാര്‍ത്തചാനലിനു ഇത്തരം ഒരു അവസ്ഥയിലേക്ക് എത്തിച്ചത് എന്താണെന്നോ അതിന്‍റെ പോസ്റ്റ്‌മോര്‍ട്ടം നടത്തി വിഷയങ്ങളില്‍ കൂടുതല്‍ സങ്കീര്‍ണത വരുത്തിയത് കൊണ്ടോ കാര്യമുണ്ടോ എന്ന് തോന്നുന്നില്ല. മാനേജ്‌മന്റ്‌ പിടിപ്പുക്കേടിനു വിലകൊടുക്കേണ്ടി വന്നത് ഒരു ചാനലിനെയാണ്. കേരളത്തില്‍ സംഭവിക്കാന്‍ പാടില്ലാത്ത ഒന്നാണ് ഇന്ത്യാവിഷന് ഉണ്ടായ ഇത്തരം ഒരു അവസ്ഥ..
കെടുകാര്യസ്ഥത മൂലം അടച്ചുപൂട്ടേണ്ടി വന്ന ഇന്ത്യവിഷന്‍ എന്ന ചാനലിനു എതിരെ പലരും പലതും പറയുന്നത് കെട്ടു.. അതിലൊന്ന് അത്മീയവ്യാപരിയായവരെ കുറിച്ചുള്ളതാണ്.. എന്തായാലും അത്തരം ഒരു നിലപാട് സ്വീകരിക്കുക വഴി.. അത് ഉന്നയിക്കുന്നവര്‍ സമൂഹത്തില്‍ എത്രത്തോളം ചെറുതാക്കാമോ അത് ആയി എന്നത് മാത്രമെ പറയാനുള്ളൂ..
മറ്റൊന്ന് മുസ്ലിം ലീഗിന് വേണ്ടാതെ ആയി ഈ ചാനലിനെ എന്നുള്ളത് ആണ്. ഒരു സ്ഥാപനത്തെ നശിപ്പിക്കാന്‍ ഇറങ്ങിതിരിക്കാന്‍ ഉള്ള മനസ്ഥിതിയിലേക്ക് ഓരോ പ്രസ്ഥാനങ്ങള്‍ വളര്‍ന്നാല്‍ അത്തരം ഒരു നിലപാടിനെ എതിര്‍ക്കേണ്ടി വരും..
ഇവിടെ വിഷയം കെടുകാര്യസ്ഥതയോ ഒന്നുമല്ല എന്നെ സംബന്ധിച്ച്.. ഒന്ന് അവിടെ തൊഴില്‍ നോക്കിയിരുന്ന തൊഴിലാളികളുടെ അവസ്ഥ.. രണ്ടു ഇന്ത്യന്‍ മാധ്യമരംഗം കൈപിടിയിലോതുക്കാന്‍ ഉതകുന്ന രീതിയില്‍ കോര്‍പ്പറേറ്റ് മനസ്ഥിതി.. ഇവരണ്ടുമാണ് എനിക്ക് ചര്‍ച്ചക്ക് വെയ്ക്കാനുള്ളത്..
വളരേയധികം പ്രതീക്ഷകളോടെ ഒരു സ്ഥാപനത്തില്‍ ജോലി ചെയ്തു വരുന്ന ജീവനക്കാര്‍ക്ക് അവരുടെ അന്നം മുടങ്ങുന്ന രീതിയില്‍ ഒരു സ്ഥാപനം അടച്ചു പൂട്ടേണ്ടി വരുമ്പോള്‍ അവര്‍ക്ക് നഷ്ടമാകുന്നത് അവര്‍ സ്വയാത്തമാകിയ അവരുടെ കഴിവുകളെയാണ്.. ഏതൊരു തൊഴില്‍ സ്ഥാപനം ആയാലും അത് അടച്ചുപൂട്ടലിന്റെ അവസ്ഥയിലേക്ക് പോകുമ്പോള്‍ മാനസികമായ സംഘര്‍ഷങ്ങളില്‍ അലയുന്നത് ജീവനക്കാരുടെ മനസാണ്.. മറ്റൊരു തൊഴില്‍ സ്ഥാപനത്തിലേക്ക് ഉള്ള പറിച്ചുമാറ്റല്‍, അവിടെ അടച്ചുപൂട്ടപ്പെട്ട കമ്പനിയില്‍ നിന്ന് വരുന്നു എന്നുള്ള പേര്.. ഇവയൊക്കെ ഒരു പക്ഷെ തൊഴിലാളികളില്‍ വിഷമതകള്‍ക്കു കാരണമാക്കാം.. പുറത്തു കുറെ അധികം ചാനല്‍ ഇന്നുള്ളത് കൊണ്ട് തന്നെ മറ്റൊരു തൊഴില്‍ എന്ന് പറയുന്നത് ലഭ്യമാക്കാന്‍ പ്രയാസമില്ല.. എന്നാല്‍ അത് മാത്രം ആണോ എല്ലാം എന്നുള്ളത് ചിന്തിക്കേണ്ടി ഇരിക്കുന്നു.. ഓരോ തൊഴില്‍ സംസ്കാരത്തില്‍ പ്രവര്‍ത്തിക്കുന്നവര്‍ക്ക് അതും ആയി ഇഴുകിചേര്‍ന്ന് പ്രവര്‍ത്തിക്കുമ്പോള്‍ അതില്‍ നിന്ന് അടര്‍ത്തിയെടുത്ത് മറ്റൊരു സ്ഥാപനത്തിന് വേണ്ടി പ്രവര്‍ത്തിക്കുന്ന അവസരത്തില്‍ അവരുടെ കഴിവിന്‍റെ പൂര്‍ണത എത്രത്തോളം ലഭ്യമാക്കാന്‍ സാധിക്കും എന്നുള്ളത് ചിന്തനീയമാണ്....
ഇതേ സമയത്താണ് ഇന്ത്യയില്‍ വാര്‍ത്താവിനിമയരംഗത്തേക്ക് വന്‍ കുത്തകകളുടെ കടന്നു വരവ്.ടി വി 18 എന്ന ശൃംഖല കരസ്ഥമാക്കി റിലയന്‍സ് അതിന്‍റെ മാധ്യമരംഗത്തേക്കുള്ള കടന്നു വരവ് അറിയിച്ചു കഴിഞ്ഞു.. വിദേശ മാധ്യമ ശൃംഖല കടന്നു വന്നിട്ട് കുറച്ചു നാളുകളായി.. ഇനിയിപ്പോള്‍ കുത്തകകള്‍ കൂടി മാധ്യമലോകത്തേക്ക് കടന്നു കയറുമ്പോള്‍, വരാനിരിക്കുന്ന ആപത്തു മുന്‍കൂട്ടി കാണാന്‍ പൊതുജനം തയ്യാറാകണം. മുതലാളിത്തഅജണ്ട നടപ്പിലാക്കാന്‍ വേണ്ടി മുതലാളികള്‍ക്കായി തയ്യാറാക്കപ്പെടുന്ന വാര്‍ത്ത‍ചാനലുകള്‍ ജനങ്ങളുടെ താത്പര്യം ആണോ അതോ അവരവരുടെ താത്പര്യം ആണോ സംരക്ഷിക്കുക എന്നുള്ളത് സ്വാഭാവികമായി ചിന്തിക്കാവുന്നതാണ്..
ഇതിനുള്ള പോംവഴികണ്ടെത്താതെ കുറ്റംപറഞ്ഞു കൊണ്ട് പോകുന്നത് എത്ര കണ്ടു ശരിയാണെന്ന് എനിക്ക് തോന്നുന്നില്ല.. ഇവിടെ തൊഴില്‍ നഷ്ടപെട്ടവര്‍ക്കുള്ള തൊഴില്‍ നല്‍ക്കുക എന്നതിനേക്കാള്‍ ഈ ഒരു സ്ഥാപനം നിലനിര്‍ത്താന്‍ പൊതുജനം ഇടപെടണം.. അല്ലെങ്കില്‍ പൊതുജനത്തിന് ലഭ്യമാക്കാന്‍ പോകുന്നത് വന്‍കുത്തകകളെ ആനയിച്ചു തങ്ങളുടെ സ്വീകരണമുറിയിലിരുത്താം എന്ന് മാത്രമാണ്.. തൊഴിലിനു വേണ്ടി ജോലി എടുക്കേണ്ടി വരുന്നവര്‍ക്ക് വരുമാനം ആര് നല്‍കുന്നു എന്നുള്ളത് മാത്രം ആണ് പ്രാധാന്യം.
ശക്തമായ ഒരു മാനേജ്‌മന്റ്‌ ഉണ്ടാവുക എന്നുള്ളതാണ് ഇന്ത്യവിഷന്‍ ആദ്യം ചെയ്യേണ്ടത്. പൊതുജനസമക്ഷം ഇന്നും നല്ല മതിപ്പ് നിലനില്‍ക്കുന്ന ഈ ചാനലിനു ഒരു പുതു ജീവന്‍ ഉണ്ടാവട്ടെ എന്ന് ആശംസിക്കുന്നു..
No comments:
Post a Comment